Unggah Ungguh Basa

Unggah-ungguh Basa Jawa yaiku adat sopan santun, tatakrama, tatasusila nggunakake Basa Jawa. Undha-usuke Basa Jawa miturut unggah-ungguhe kena kaperang dadi 4, yaiku:

1.    Basa Ngoko Lugu / Wantah

·         Bapak tuku kopi ing warung.

·         Pakdhe lagi bali saka Jakarta numpak sepur.

·         Simbah lagi deleng wayang kulit.

·         Bu Sartinah budhal menyang pasar gawe tuku beras.

·         Pak Karso mangan gorengan ing wayah sore.

2.    Basa Ngoko Alus / Andhap

·         Bapak mundhut kopi ing warung.

·         Pakdhe lagi kundur saka Jakarta nitih sepur.

·         Simbah lagi mriksani wayang kulit.

·         Bu Sartinah tindak menyang pasar gawe mundhut beras.

·         Pak Karso dhahar gorengan ing wayah sore.

3.    Basa Krama Lugu / Madya

·         Bapak tumbas kopi ing warung.

·         Pakdhe saweg mantuk saking Jakarta numpak sepur.

·         Simbah saweg ningali ringgit kulit.

·         Bu Sartinah bidhal dhateng peken damel tumbas uwos.

·         Pak Karso nedha gorengan ing wanci sonten.

4.    Basa Krama Alus

·         Bapak mundhut kopi ing warung.

·         Pakdhe nembe kundur saking Jakarta nitih sepur.

·         Simbah nembe mriksani ringgit kulit.

·         Bu Sartinah tindak dhateng peken damel mundhut uwos.

·        Pak Karso dhahar gorengan ing wanci sonten.

Sumber: http://bayuriyantoxiia2.blogspot.co.id/2012/11/unggah-ungguh-basa-jawa-unggah-ungguh.html

Semoga bermanfaat dan mohon maaf apabila ada kesalahan atau kekurangan^^